Адеприл® Диур (4 мг/1,25 мг)

Адеприл® Диур

Жоқ

Дәрілік түрі, дозалануы

Таблеткалар, 2 мг/0.625 мг, 4 мг/1.25 мг

Жүрек-қантамыр жүйесі. Ренин-ангиотензин жүйесіне әсер ететін препараттар. Басқа препараттармен біріктірілген ангиотензин-өзгертуші фермент (АӨФ) тежегіштері. Диуретиктермен біріктірілген АӨФ тежегіштері. Диуретиктермен біріктірілген периндоприл.

АТХ коды С09ВА04

Адеприл Диур ересектерде қолдануға тағайындалған

- эссенциальді гипертензияны емдеуге

- периндоприлмен монотерапия кезінде артериялық қысымы тиісті дәрежеде бақыланбайтын пациенттердегі эссенциальді гипертензияны емдеуге

Қолдануды бастағанға дейін қажетті мәліметтер тізбесі

- периндоприлге, индапамидке, АӨФ тежегішеріне және сульфонамидтерге және препараттың кез келген қосымша затына жоғары сезімталдық

- АӨФ тежегіштерімен бұдан бұрынғы емге байланысты анамнездегі ангионевроздық ісіну (Квинке ісінуі)

- тұқым қуалайтын немесе идиопатиялық ангионевроздық ісіну

- қант диабеті бар немесе бүйрек функциясы бұзылған (шумақтық сүзілу жылдамдығы (ШСЖ) < 60 мл/мин/1,73м²) пациенттерде алискиренмен және құрамында алискирен бар препараттармен бір мезгілде қолдану

- бүйректің ауыр жеткіліксіздігі (креатинин клиренсі 30 мл/мин төмен)

- гемодиализдегі пациенттер

- бауыр энцефалопатиясы

- бауырдың ауыр жеткіліксіздігі

- емделмейтін декомпенсацияланған жүрек жеткіліксіздігі бар пациенттер

- тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы (лактоза моногидраты қамтылуына байланысты)

- «пируэт» типті қарыншалық аритмияны тудыруы мүмкін аритмияға қарсы дәрілерді бір мезгілде қабылдау

- ангионеврозық ісінудің жоғары даму қаупіне байланысты бейтарап эндопептидаза тежегіштерімен (мысалы, құрамында сакубитрил/валсартан бар препараттармен) бір уақытта қолдану.

- қанның теріс зарядты беткейлермен жанасуға әкелетін экстракорпоральді емдеу

- бүйрек артериясының елеулі екі жақты стенозы немесе жұмыс істейтін жалғыз бүйрек артериясының стенозы

- гипокалиемия

- жүктілік және лактация кезеңі

- 18 жасқа дейінгі балалар

Қолдану кезінде қажетті сақтық шаралары

Периндоприлмен және индапамидпен байланысты жалпы нұсқаулар

Жүректің тұрақты ишемиялық ауруы

Егер периндоприлмен емдеудің бірінші айы ішінде тұрақсыз стенокардия эпизоды (үлкен немесе өте емес) туындаса, сақ болу керек. Пайда/қауіпті бағалау емді жалғастырғанға дейін жүргізілуі тиіс.

Литий препараттары

Периндоприл мен индапамид біріктірілімін литий препараттарымен бір уақытта қолдану ұсынылмайды.

Периндоприлмен байланысты

Ренин-ангиотензин-альдостерон жүйесінің (РААЖ) қосарлы блокадасы

АӨФ тежегіштері мен ангиотензин II рецепторының блокаторларын немесе алискиренді бір уақытта қолдану гипотензия, гиперкалиемия және бүйрек функциясының төмендеуі (жедел бүйрек жеткіліксіздігінің дамуын қоса) қаупін ұлғайтатыны дәлелденген. Сондықтан АӨФ тежегіштерін, ангиотензин II рецепторының блокаторларын немесе алискиренді бірге қолдану арқылы РААЖ қосарлы блокадасы ұсынылмайды. Егер қосарлы блокада абсолютті қажет деп есептелсе, оны маманның қадағалауымен ғана және бүйрек функциясын, электролиттерді және артериялық қысымды жиі мұқият мониторингілеу шартымен орындау керек. АӨФ тежегіштері мен ангиотензин II рецепторының блокаторларын диабеттік нефропатиясы бар пациенттерде бір уақытта пайдаланбаған жөн.

Калий жинақтаушы диуретиктер, калий тұздары

Периндоприлді калий жинақтаушы диуретиктермен немесе калий тұздарымен біріктіріп қолдану ұсынылмайды.

Реноваскулярлық гипертензия:

Бүйрек артериясының екі жақты стенозы немесе жұмыс істейтін жалғыз бүйрек артериясы стенозы бар пациентте АӨФ (ангиотензин-өзгертуші-фермент) тежегіштерімен ем алатын кезде гипотензия және бүйрек жеткіліксіздігінің жоғары қаупі бар. Диуретиктермен емдеу ықпал етуші фактор болуы мүмкін. Бүйрек функциясының жоғалуы бүйрек артериясының бір жақты стенозы бар пациенттерде де қандағы креатининнің аздаған өзгерістермен туындауы мүмкін.

Нейтропения/агранулоцитоз /тромбоцитопения/анемия

АӨФ тежегіштерін қабылдаған пациенттерде нейтропения/агранулоцитоздың, тромбоцитопения мен анемияның дамуы хабарланды. Бүйрек функциясы қалыпты және қатар жүретін басқа жағдайлары жоқ пациенттерде нейтропения сирек байқалады. Периндоприл коллагенді тамыр аурулары бар пациенттерде, иммунодепрессанттармен, аллопуринолмен немесе прокаинамидпен немесе аталған қатар факторлардың бірігуінде, әсіресе бұрыннан бар бүйрек функциясының бұзылуы аясында аса сақтықпен қолданылуы тиіс. Кейбір мұндай пациенттерде күрделі инфекциялар дамыған, олар кейбір жағдайларда антибиотиктермен қарқынды емдеуге реакция бермеді. Периндоприлді қолданған жағдайда мұндай пациенттерде лейкоциттер деңгейін мезгіл-мезгіл бақылау ұсынылады, ал пациенттер инфекцияның кез келген даму белгілері (мысалы, тамақ ауыруы, қызба) туралы дәрігерге хабарлауға тиіс екенін хабарлау қажет.

Жоғары сезімталдық/ангионевроздық ісіну (Квинке ісінуі)

Анамнезі күрделі негроид нәсілді адамдарда ангионевроздық ісіну қаупі басқа нәсілдермен салыстырғанда жоғары.

Анамнезінде АӨФ тежегіштерін қабылдаумен байланысты Квинке ісінуі бар пациенттерде осы топтағы препараттарды қабылдағанда оның даму қаупі жоғары болуы мүмкін.

Сирек жағдайларда АӨФ тежегіштерімен емдеу аясында ішектің ангионеврозық ісінуі дамиды. Бұл ретте пациенттерде, кейбір жағдайларда алдында жүретін беттің ангионевроздық ісінуінсіз және С-1 эстераза ферментінің қалыпты белсенділігінде оқшауланған симптом ретінде немесе жүрек айнуымен және құсумен іштің ауыруы байқалады. Диагноз құрсақ аумағының компьютерлік томографиясы, ультрадыбысты зерттеу көмегімен немесе хирургиялық араласу уақытында анықталады. Симптомдар АӨФ тежегіштерін қабылдауды тоқтатқаннан кейін кетеді. АӨФ тежегіштерін алатын іш аумағы ауыратын пациенттерде дифференциальді диагноз жүргізу кезінде ішектің ангионевроздық ісіну ықтималдығын ескеру қажет.

Ангиоэдема жоғары туындау қаупіне байланысты периндоприлді сакубитрилмен/валсартанмен біріктіруге болмайды. Сакубитрил/валсартан қабылдауды периндоприлмен емдеудің соңғы дозасын қабылдағаннан кейін 36 сағат өтпей бастауға болмайды. Егер сакубитрилмен/валсартанмен емдеу тоқтатылса, онда периндоприлмен емдеуді сакубитрилмен/валсартанмен емдеудің соңғы дозасын қабылдағаннан кейін 36 сағат өтпей бастауға болмайды. БЭП (бейтарап эндопептидаза) басқа тежегіштерін (мысалы, рацекадотрил) және АӨФ тежегіштерін бір уақытта қолдану да ангиоэдеманың туындау қаупін арттыруы мүмкін. Демек, БЭП (мысалы, рацекадотрил) тежегіштерімен емді бастаудан бұрын периндоприл қабылдайтын пациенттерде пайданы және қауіпті мұқият бағалау қажет.

mTOR-тежегіштерімен біріктіріп (мысалы, сиролимус, эверолимус, темсиролимус) қолдану:

mTOR-тежегіштерімен (мысалы, сиролимус, эверолимус, темсиролимус), біріктіріп емделіп жүрген пациенттер ангионевроздық ісінудің (мысалы, тыныс алу жолдарының немесе тыныс алу функциясының бұзылуымен немесе онсыз тілдің ісінуі) жоғары туындау қаупіне ұшырауы мүмкін.

Десенсибилизация жүргізу кезіндегі анафилактоидтық реакциялар

Жарғақ қанаттылар (ара, сона) уымен десенсибилизациялаушы ем кезінде АӨФ тежегіштерін қабылдап жүрген науқастарда ұзақ, өмірге қауіпті анафилактоидтық реакциялардың дамуы туралы жекелеген хабарламалар бар. АӨФ тежегіштерін күрделі аллергологиялық анамнезі немесе десенсибилизация емшарасынан өтетін аллергиялық реакцияларға бейімділігі бар науқастарда сақтықпен қолдану қажет. Жарғақ қанатты жәндіктердің уымен иммунотерапия алатын пациенттерге АӨФ тежегішін қолданудан аулақ болу керек. Дегенмен, десенсибилизация емшарасы басталғанға дейін кемінде 24 сағат бұрын АӨФ тежегішін уақытша тоқтату жолымен анафилактоидтық реакцияға жол бермеуге болады.

ТТЛП аферезін жүргізген кездегі анафилактоидтық реакциялар

Сирек жағдайларда АӨФ тежегіштерін қабылдайтын пациенттерде декстран сульфатын пайдаланумен ТТЛП аферезін жүргізу кезінде өмірге қауіпті анафилактоидтық реакциялар дамуы мүмкін. Анафилактоидтық реакцияның алдын алу үшін әрбір аферез емшарасының алдында АӨФ тежегішімен емдеуді уақытша тоқтату керек.

Гемодиализ

АӨФ тежегіштерін қабылдайтын пациенттерде, жоғары ағынды жарғақшаларды (мысалы, AN69®) пайдаланумен гемодиализ жүргізу кезінде анафилактоидтық реакциялар байқалған. Сондықтан басқа типтегі жарғақшаны немесе фармакотерапиялық тобы басқа гипотензиялық дәріні қолданған дұрыс.

Бүйрек трансплантациясы

Адеприл Диурді бүйрек жеткіліксіздігі бар пациенттерде қолдануға қатысты тәжірибе жоқ.

Бастапқы гиперальдостеронизм:

Әдетте бастапқы гиперальдостеронизмі бар пациенттердің ренин-ангиотензин жүйесін тежеу арқылы әрекет ететін гипертонияға қарсы препараттарға реакциясы болмайды. Сондықтан осы препаратты қолдану ұсынылмайды.

Жүктілік

Жүктілік кезінде АӨФ тежегіштерін қабылдауды бастауға болмайды. Егер АӨФ тежегіштерімен үздіксіз емдеу қажет болса, жүктілікті жоспарлаған пациентер жүктілік уақытында қолдану қауіпсіздігі дәлелденген басқа да гипертензияға қарсы препараттарға ауыстырылуы тиіс. Жүктілік фактісі анықталғанда АӨФ тежегіштерімен емдеуді дереу тоқтату және қажет болса, альтернативті ем бастау керек.

Индапамидпен байланысты

Фотосезімталдық

Тиазидтік және тиазид тәрізді диуретиктерді қабылдау аясында фотосезімталдық реакцияның даму оқиғалары туралы хабарланды. Препаратты қабылдау аясында фотосезімталдық реакцияның дамыған жағдайда емді тоқтату керек. Диуретиктермен емді жалғастыру қажет болғанда, тері жабындарын күн сәулесінің немесе жасанды ультракүлгін сәуленің әсерінен қорғау ұсынылады.

Қабылдау кезіндегі сақтық

Периндоприлмен және индапамидпен байланысты жалпы нұсқаулар

Бүйрек жеткіліксіздігі:

Емдеу бүйрек жеткіліксіздігі ауыр (креатинин клиренсі <30 мл/мин) пациенттерге қарсы көрсетілген. Егер гипертензиядан зардап шегетін және көзге көрінетін бүйрек зақымданулары жоқ, бірақ қан талдауы (бүйрек кешені) барысында бүйрек жеткіліксіздігі анықталған пациенттерде емді тоқтату керек. Емді не анағұрлым төмен дозада, не компоненттердің бірімен ғана қайта бастауға болады. Бұл пациенттерді әдеттегі медициналық қадағалауға калий және креатинин деңгейін жиі мониторингілеу кіреді, алғаш рет – екі апта емдеуден кейін, сосын – емдік тұрақтылық кезеңінде айына екі рет. Бүйрек жеткіліксіздігі, негізінен, ауыр жүрек жеткіліксіздігі немесе бүйрек артериясының стенозын қоса, бұрыннан бүйрек жеткіліксіздігі бар пациенттерде байқалды. Осы препаратты қабылдау әдетте немесе бүйрек артериясының екі жақты стенозы немесе бір ғана бүйрегі бар пациенттерге ұсынылмайды.

Артериялық гипотензия және су-электролиттік теңгерімнің бұзылуы

Натрий мөлшері төмендегенде, әсіресе бүйрек артериясының стенозы бар пациенттерде артериялық қысымның кенеттен түсу қаупі бар. Сондықтан организмде іш өтуі немесе құсу ұстамалары аясында туындауы мүмкін су және электролиттер тапшылығының клиникалық белгілерін анықтауға қатысты жүйелі түрде сынамалар жүргізу керек. Бұл пациенттерде плазмадағы электролиттер мөлшерін жүйелі бақылау керек.

Айқын гипотензия жағдайында изотониялық ерітіндіні вена ішіне құю керек болуы мүмкін. Транзиторлық гипотензия емді жалғастыруға қарсы көрсетілім болып табылмайды. Қанағаттанарлық қан көлемінің және артериялық қысымның қалпына келуінен кейін емді не препараттың анағұрлым төмен дозасымен, не оның компонентінің бірімен ғана қайта бастауға болады.

Калий мөлшері

Периндоприл мен индапамидтің бірігуі, әсіресе диабеттен зардап шегетін немесе бүйрек жеткіліксіздігі бар пациенттерде гипокалиемияның басталуын алдын алмайды. Құрамында диуретик бар кез келген гипотензиялық препаратты қабылдағандағыдай плазмадағы калий мөлшеріне тұрақты мониторинг жүргізу керек.

Қосымша заттар

Препараттың қосымша заттарының құрамына лактоза моногидраты кіретінін ескеру керек. Препаратты тұқым қуалайтын галактоза жақпаушылығы, Лапп лактаза жеткіліксіздігі және глюкозо-галактоза малабсорбциясы бар пациенттерге тағайындамаған жөн.

Периндоприлмен байланысты

Жөтел

АӨФ тежегішімен емдеу аясында құрғақ жөтел туындауы мүмкін. Жөтел осы топтағы препараттарды қабылдау аясында ұзақ сақталады және оларды тоқтатқаннан кейін жоғалады. Пациентте құрғақ жөтел пайда болғанда осы симптомның АӨФ тежегішін қабылдаумен ықтимал байланысын есте сақтау керек. Егер дәрігер АӨФ тежегішімен емдеу пациентке қажет деп есептесе, препарат қабылдауды жалғастыруға болады.

Балалар мен жасөспірімдер

Периндоприлдің балалар мен жасөспірімдердегі тиімділігі мен жағымдылығы, моно- немесе біріктірілген ем кезінде, әзірге анықталмаған.

Артериялық гипотензия және/немесе бүйрек жеткіліксіздігі қаупі (созылмалы жүрек жеткіліксіздігі, су-электролиттік теңгерім бұзылуы бар пациенттерде).

Кейбір патологиялық жағдайларда, әсіресе айқын гиповолемия және қан плазмасындағы электролиттер мөлшерінің төмендеуі (тұссыз диета немесе диуретиктері ұзақ қабылдау аясында) кезінде, АҚ басынан төмен, бүйрек артериясының стенозы (оның ішінде, екі жақты), созылмалы жүрек жеткіліксіздігі немесе ісінумен және асцитпен бауыр циррозы бар пациенттерде РААЖ едәуір активациясы байқалуы мүмкін.

АӨФ тежегіштерін қолдану РААЖ блокадасын туындатады және сондықтан АҚ күрт төмендеуімен және/немесе функционалдық бүйрек жеткіліксіздігінің дамуы туралы растайтын қан плазмасындағы креатинин концентрациясының жоғарылауымен қатар жүруі мүмкін. Бұл құбылыстар препараттың алғашқы дозасын қабылдағанда немесе емдеудің алғашқы екі аптасында жиі байқалады. Кейде бұл жағдайлар жедел дамиды. Мұндай жағдайларда емді қайта бастағанда периндоприл мен индапамидтің біріктірілімін анағұрлым төмен дозада пайдалану және кейін дозаны біртіндеп арттыру ұсынылады.

Егде жас

Емді бастар алдында бүйрек функциясына және калий деңгейіне бақылау жүргізу керек. Кенеттен болатын гипотензияға жол бермеу үшін препараттың бастапқы дозасы, әсіресе сусыздану және электролиттер жойылған кезде артериялық қысымның төмендеу дәрежесіне байланысты түзетіледі.

Атеросклероз

Артериялық гипотензия қаупі барлық науқастарда болады, алайда препаратты ишемиялық жүрек ауруы және ми қан айналымы жеткіліксіздігі бар пациенттерде қолдана отырып, ерекше сақтық таныту керек. Мұндай пациенттерде емді периндоприл аргинині және индапамид біріктірілімінің төменгі дозаларынан бастау керек.

Реноваскулярлық гипертензиясы бар пациенттер

Реноваскулярлық гипертензияны емдеу тәсілі реваскуляризация болып табылады. Дегенмен, АӨФ тежегіштерін пайдалану хирургиялық араласуды күтіп жүрген пациенттерде, сондай-ақ хирургиялық араласуды жүргізу мүмкін болмаған кезде де жағымды әсер көрсетеді. Бүйрек артериясының стенозы диагностикаланған немесе болжанған пациенттерде емді периндоприл мен индапамид біріктірілімінің анағұрлым төмен дозаларынан бастау керек. Кейбір науқастарда препаратты тоқтатқанда кететін функционалдық бүйрек жеткіліксіздігі дамуы мүмкін.

Жүрек жеткіліксіздігі/ауыр жүрек жеткіліксіздігі

Жүрек жеткіліксіздігі ауыр (IV дәреже) пациенттерде препаратпен емдеуді төменгі дозалардан бастау және дәрігердің тұрақты бақылауымен жүргізу керек. Артериялық гипертензиясы және коронарлық жеткіліксіздігі бар науқастар бета-блокаторлар қабылдауды тоқтатпауы тиіс: АӨФ тежегіштерін бета-блокатормен бірге қолдану керек.

Этникалық айырмашылықтар

Периндоприл, басқа да АӨФ тежегіштері сияқты, басқа нәсілдің өкілдерімен салыстырғанда негроид нәсілді пациенттерде айқындығы төмен гипотензиялық әсер көрсететіні анық. Бұл айырмашылық артериялық гипертензиямен ауыратын негроид нәсілді науқастарда рениннің төмен белсенділігі жиі байқалатымен байланысты болуы ықтимал.

Хирургиялық араласу/ Жалпы анестезия

Жалпы анестезия қолданумен хирургиялық араласуды бастан өткерген науқастарда АӨФ тежегіштерін қолдану, әсіресе антигипертензиялық әсер көрсететін жалпы анестезия үшін дәрілерді пайдаланғанда АҚ айқын төмендеуіне әкелуі мүмкін. Ұзақ әсер ететін АӨФ тежегіштерін, оның ішінде периндоприл қабылдауды тоқтату хирургиялық араласуға дейін 12 сағат бұрын ұсынылады.

Аортальді стеноз / Митральді стеноз/ Гипертрофиялық кардиомиопатия

АӨФ тежегіштері сол жақ қарыншаның шығыс саңылауының обструкциясы және митральді стенозы бар науқастарға сақтықпен тағайындалуы тиіс.

Бауыр жеткіліксіздігі

Сирек жағдайларда АӨФ тежегіштерін қабылдау аясында холестаздық сарғаю туындайды. Бұл синдром өршіген кезде, кейде өліммен аяқталатын бауырдың фульминантты некрозы дамиды. Бұл әсердің даму механизмі анық емес. АӨФ тежегіштерін қабылдау аясында сарғаю пайда болғанда пациент дәрігерге қаралуы керек. АӨФ тежегіштерін қабылдау аясында бауыр ферменттерінің белсенділігі едәуір жоғарылағанда препарат қабылдауды тоқтату керек.

Гиперкалиемия

АӨФ тежегіштерімен, оның ішінде периндоприлмен емделіп жүрген Кейбір пациенттерде қан сарысуындағы калий деңгейінің жоғарылау оқиғалары байқалды.

Гиперкалиемияның даму қаупі факторларына бүйрек жеткіліксіздігі, бүйрек функциясының нашарлауы, жас мөлшері (> 70 жас), қант диабеті, организмнің сусыздануы сияқты кездейсоқ құбылыстар, жедел жүрек декомпенсациясы, метаболизмдік ацидоз, калий жинақтаушы диуретиктерді (спиронолактон, эплеренон, триамтерен, амилорид және т.б.), калий препараттарын немесе құрамында калий бар тұз алмастырушыларын бір уақытта қабылдау, сондай-ақ сарысудағы калий деңгейінің жоғарылауын туындататын басқа дәрілік препараттарды (мысалы, ко-тримоксазол сондай-ақ триметоприм/сульфаметоксазол ретінде белгілі, гепариндер, АӨФ басқа тежегіштері, ангиотензин-II рецепторларының антагонистері, ацетилсалицил қышқылы  3 г/тәу., ЦОГ-2 тежегіштері және селективті емес ҚҚСД, циклоспорин немесе такролимус, триметоприм сияқты иммунодепрессиялық дәрілер) бір уақытта қабылдау кіреді. Калий қоспаларын, калий жинақтаушы диуретиктер мен құрамында калий бар тұз алмастырушыларын, әсіресе бауыр функциясы бұзылған пациенттердің қабылдауы сарысудағы калий деңгейінің елеулі өсуіне әкелуі мүмкін. Гиперкалиемия күрделі, кейде фатальді аритмия туындатуы мүмкін. Егер жоғарыда аталған препараттарды бір уақытта тағайындау қажет деп есептелсе және қан сарысуындағы калий мөлшерін жиі мониторингілеу кезінде оларды сақтықпен қолдану керек.

Индапамидпен байланысты

Су-электролиттік теңгерім

Қан плазмасындағы натрий иондарының мөлшері

Ем басталғанға дейін натрий мөлшерін бағалау қажет, әрі қарай мұндай зерттеулер жүйелі түрде жүргізілуі тиіс. Бастапқыда натрий деңгейінің төмендеуі симптомсыз өтуі мүмкін, дәп сондықтан жүйелі бақылау жүргізу қажет. Егде пациенттерде және бауыр циррозы бар пациенттерде бақылау одан да жиі жүргізілуі тиіс. Барлық диуретиктер кейде, өте күрделі салдарлармен гипонатриемияға әкелуі мүмкін. Гипонатриемия гиповолемиямен дегидратацияға және ортостаздық гипотензияның дамуына әкелуі мүмкін. Хлор иондарының қатарлас жойылуы салдарлы компенсаторлық метаболизмдік алкалоз туындатуы мүмкін: осы әсердің туындау жиілігі және дәрежесі маңызды емес.

Қан плазмасындағы калий иондарының мөлшері

Тиазидтік және тиазид тәрізді диуретиктермен емдеу гипокалиемияның даму қаупімен байланысты. Жоғары қауіп тобындағы пациенттердің келесі категорияларында гипокалиемиядан (3,4 ммоль/л кем) аулақ болу қажет: егде жастағы пациенттер, жүдеген пациенттер (біріккен медикаментоздық ем алатын және алмайтын), бауыр циррозы (ісінумен және асцитпен), ишемиялық жүрек ауруы, жүрек жеткіліксіздігі бар пациенттер. Гипокалиемия бұл пациенттерде жүрек гликозидтерінің уытты әсерін күшейтеді және аритмиялардың даму қаупін жоғарылатады.

Жоғары қауіп тобына туа біткен, сондай-ақ дәрілік заттардың әсерінен туындаған QT аралығының ұзаруы бар пациенттер де жатады. Брадикардия сияқты гипокалиемия да, жүрек ырғағының ауыр бұзылыстарының, әсіресе, фатальді болуы мүмкін «пируэт» типті аритмияның дамуына ықпал етеді. Жоғарыда сипатталған барлық жағдайларда қан плазмасындағы калий иондарының мөлшерін жүйелі бақылау қажет. Калий иондарының мөлшерін алғашқы өлшеуді ем басталғаннан бір апта ішінде жүргізу керек.

Гипокалиемия анықталғанда тиісті ем тағайындалуы тиіс.

Қан плазмасындағы калий иондарының мөлшері

Тиазидтік және тиазид тәрізді диуретиктер қан плазмасындағы кальций концентрациясының аздаған және уақытша жоғарылауына әкеле отырып, кальций иондарының бүйрекпен шығарылуын төмендетуі мүмкін. Айқын гиперкальциемия бұрын диагностикаланбаған гиперпаратиреоздың салдары болуы мүмкін. Парақалқанша без функциясын зерттеу алдында диуретикалық дәрілерді қабылдауды тоқтату керек.

Қан плазмасындағы глюкоза концентрациясы

Қант диабеті бар пациенттерде, әсіресе гипокалиемия болғанда қандағы глюкоза концентрациясын бақылау қажет.

Несеп қышқылы

Емдеу аясында несеп қышқылы концентрациясы жоғары науқастарда подагра ұстамаларының туындау жиілігі ұлғаюы мүмкін.

Бүйрек функциясы және диуретиктер

Тиазидтік және тиазид тәрізді диуретиктер бүйрек функциясы қалыпты немесе аздап бұзылған (ересек пациенттердің қан плазмасындағы креатинин концентрациясы 2,5 мг/дл төмен немесе 220 мкмоль/л) пациенттерде ғана толық көлемде тиімді. Егде жастағы пациенттерде КК Кокрофт формуласы бойынша жас мөлшерін, дене салмағын және жынысты ескеріп, есептеледі:

(140 - жас) х дене салмағы

Clcr = ----------------------------------------------------------

0,814 х қан плазмасындағы креатинин деңгейі

мұнда:

жас мөлшері жылмен көрсетіледі,

дене салмағы - килограммен,

қандағы креатинин деңгейі – мкмоль/л-мен.

Формула еркек жынысты егде пациентке есептелген, әйелге бейімдеу үшін нәтижені 0,85 көбейту керек.

Диуретиктермен емдеудің басында гиповолемияға және гипонатриемияға байланысты науқастарда шумақтық сүзіліс жылдамдығының уақытша төмендеуі және қан плазмасындағы мочевина және креатинин концентрациясының жоғарылауы мүмкін. Осы транзиторлық функционалдық бүйрек жеткіліксіздігі бүйрек функциясы өзгермеген пациенттер үшін қауіпті емес, алайда бүйрек жеткіліксіздігі бар пациенттерде оның айқындығы күшеюі мүмкін.

Спортсмендер

Индапамид допинг-бақылау жүргізгенде оң реакция беруі мүмкін.

Жедел миопия және салдарлы жабық бұрышты глаукома

Сульфаниламидтер немесе сульфонамид туындылары идиосинкразия тудыруы мүмкін, бұл транзиторлық миопияға және жедел жабық бұрышты глаукомаға әкеледі. Емделмеген жедел жабық бұрышты глаукома перманентты көрмей қалуға әкелуі мүмкін. Бастапқы емдеу препарат қолдануды барынша тезірек тоқтатудан тұрады. Егер көзішілік қысым бақыланбайтын күйде қалса оперативтік медикаментоздық немесе хирургиялық ем жүргізуді қарастыру керек болуы мүмкін. Жедел жабық бұрышты глаукоманың даму қаупі факторларына анамнезінде сульфонамидтерге немесе пенициллинге аллергия кіруі мүмкін.

Басқа дәрілік препараттармен өзара әрекеттесуі

Периндоприлмен және индапамидпен байланысты жалпы нұсқаулар:

Ұсынылмайтын біріктірілімдер:

Литий препараттары

Литий мен АӨФ тежегіштерін біріктіріп қабылдағанда сарысудағы литий концентрациясының қайтымды ұлғаю оқиғалары және уыттылық оқиғалары байқалған. Периндоприл мен литийді біріктіріп қабылдау ұсынылмайды, бірақ егер ол қажет болса, онда қан сарысындағы литий деңгейіне мұқият мониторинг жүргізу керек.

Аса сақтықты талап ететін біріктірілімдер:

Қабынуға қарсы стероидты емес препараттар (ҚҚСД) (аспиринді қоса ≥ 3г/тәу.)

АӨФ тежегіштерін қабынуға қарсы стероидты емес препараттармен (мысалы, қабынуға қарсы емге қажетті сызбада және дозаларда ацетилсалицил қышқылын қабылдау, ЦОГ-2 тежегіштерін қабылдау және селективті емес ҚҚСД қабылдау) бірге қабылдағанда гипотензиялық әсердің төмендеуі байқалуы мүмкін. АӨФ тежегіштері мен ҚҚСД бір уақытта пайдалану жедел бүйрек жеткіліксіздігінің дамуын қоса, бүйрек функциясының нашарлау қаупін тудырады, сондай-ақ, әсіресе бүйрек функциясы бұзылған пациенттерде сарысулық калий деңгейінің жоғарылауын тудыруы мүмкін. Аталған препараттардың біріктірілімі, әсіресе егде адамдарда сақтықпен пайдаланылуы тиіс. Пациенттер жеткілікті көлемде сұйықтық қабылдауы тиіс; сондай-ақ бүйрек функциясын біріккен ем тағайындағанда және ол аяқталғаннан кейін мезгіл-мезгіл бақылап отыру керек.

Сақтықты талап ететін біріктірілімдер:

Имипрамин-тәрізді антидепрессанттар (трициклдік), нейролептиктер

Гипотензиялық әсердің күшеюі және ортостаздық гипотензияның (аддитивті әсер) даму қаупінің ұлғаюы.

Периндоприлмен байланысты:

АӨФ тежегіштерін, ангиотензин II рецепторы блокаторларын немесе алискиренді біріктіріп қолдану арқылы ренин-ангиотензин-альдостерон жүйесінің (РААЖ) қосарлы блокадасы РААЖ әсер ететін бір ғана препаратты пайдаланумен салыстырғанда гипотензия, гиперкалиемия және бүйрек функциясының төмендеуі (бүйректің жедел жеткіліксіздігінің дамуын қоса) сияқты жағымсыз құбылыстардың жоғары жиілігімен қатар жүреді.

Гиперкалиемия тудыратын дәрілік препараттар

Кейбір дәрілік препараттар немесе дәрілік препараттардың емдік топтары гиперкалиемияның даму ықтималдығын арттыруы мүмкін: алискирен, калий тұздары, калий жинақтаушы диуретиктер, АӨФ тежегіштері, ангиотензин II рецепторы блокаторларын, ҚҚСД, гепарин, циклоспорин, такролимус, триметоприм сияқты иммунодепрессанттар. Бұл препараттарды біріктіріп қабылдағанда гиперкалиемияның туындау қаупі жоғарылайды.

Біріктіріп қабылдауға болмайды:

Алискирен

Қант диабетінен немесе бүйрек жеткіліксіздігінен зардап шегетін пациенттерде гиперкалиемия, бүйрек функциясының нашарлауы, жүрек-қантамыр аурулары дамуының және жүрек-қантамыр ауруларынан өлім жағдайының туындау қаупі жоғарылайды.

Экстракорпоральді емдеу

Ауыр анафилактоидтық реакциялардың жоғары туындау қаупіне байланысты қанның диализ немесе гидравликалық өткізгіштігі жоғары белгілі бір жарғақшалармен (мысалы, полиакрилнитрильді жарғақша) гемофильтрация және декстран сульфатымен тығыздығы төмен липопротеиндердің аферезі сияқты теріс зарядталған беткейлермен жанасуына әкелетін экстракорпоральді емдеу. Егер мұндай ем талап етілсе, онда диализдік жарғақшаның басқа типін немесе гипотензиялық препараттың басқа класын қолдануды назарға алу керек.

Сакубитрил/валсартан

Периндоприлді сакубитрилмен/валсартанмен бір уақытта қолдануға болмайды, себебі неприлизин мен АӨФ бір уақытта тежелуі ангиоэдеманың туындау қаупі жоғарылатуы мүмкін. Сакубитрил/валсартан қабылдауды периндоприлмен емдеудің соңғы дозасын қабылдағаннан кейін 36 сағат өтпей бастауға болмайды. Периндоприлмен емді сакубитрилдің/валсартанның соңғы дозасын қабылдағаннан кейін 36 сағат өтпей бастауға болмайды.

Ұсынылмайтын біріктірілімдер:

Алискирен

Қант диабетінен немесе бүйрек жеткіліксіздігінен зардап шегетін пациенттерден басқа пациенттерде гиперкалиемия, бүйрек функциясының нашарлауы, жүрек-қантамыр аурулары дамуының және жүрек-қантамыр ауруларынан өлім жағдайының туындау қаупі жоғарылайды.

АӨФ тежегішімен және ангиотензиндік рецепторлардың блокаторымен біріктірілген ем

Әдебиет деректерінде ауыр атеросклероздық ауруы, жүрек жеткіліксіздігі немесе нысана-ағзасы зақымданған қант диабеті бар пациенттерде АӨФ тежегішімен және ангиотензиндік рецепторлардың блокаторымен біріктірілген ем ренин-ангиотензин-альдостерон жүйесіне әсер ететін бір препаратты қабылдаумен салыстырғанда гипотензия, естен тану, гиперкалиемия және бүйрек функциясының нашарлауы (жедел бүйрек жеткіліксіздігін қоса) дамуының жоғары жиілігімен өзара байланысады деп көрсетіледі. Қосарлы блокада (мысалы, АӨФ тежегішін ангиотензин II рецепторларының блокаторымен біріктіру арқылы) жекелей алынған оқиғаларымен шектелуі және бүйрек функциясын, калий деңгейін және артериялық қысымды мұқият мониторингілеумен қатар жүруі тиіс.

Эстрамустин

Ангионевроздық ісіну (ангиоісіну) сияқты жағымсыз реакциялардың жоғары қаупі.

Ко-тримоксазол (триметоприм / сульфаметоксазол)

Бір уақытта ко-тримоксазол (триметоприм/сульфаметоксазол) қабылдайтын пациенттер гиперкалиемияның жоғары қаупіне бейім болуы мүмкін.

Калий жинақтаушы диуретиктер (мысалы, триамтерен, амилорид және т.б.), калий (тұздар)

Гиперкалиемия (өліммен аяқталатын), әсіресе бүйрек жеткіліксіздігімен (аддитивті гиперкалиемиялық әсер) біріккен.

Периндоприлді осы дәрілік препараттармен біріктіріп қабылдау ұсынылмайды. Егер осы препараттарды қатар қолдану тағайындалған болса, онда оларды қабылдағанда ерекше сақтық таныту және қан сарысуындағы калий мөлшерін жиі мониторингілеу керек. Спиронолактонды жүрек жеткіліксіздігі кезінде қолдану туралы ақпаратты “Аса сақтықты талап ететін біріктірілімдер” бөлімінен қараңыз.

Аса сақтықты талап ететін біріктірілімдер:

Диабетке қарсы дәрілер (инсулин, пероральді гипогликемиялық препараттар) АӨФ тежегіштері мен диабетке қарсы препараттарды (инсулиндер, пероральді гипогликемиялық препараттар) біріктіріп қабылдау гипогликемия басталу қаупімен қандағы глюкоза деңгейінің төмендеу әсерінің күшеюіне әкелуі мүмкін. Мұндай оқиғалардың басталуы біріктірілген емнің алғашқы апталарында және бүйрек функциясы бұзылған пациенттерде анағұрлым ықтимал.

Калий жинақтамайтын диуретиктер

Диуретик қабылдайтын пациенттерде, әсіресе АҚК төмендеген және/немесе тұз тапшылығы бар пациенттерде АӨФ тежегішімен емдеудің басында артериялық қысымның едәуір төмендеуі байқалуы мүмкін. Гипотензиялық әсердің ықтималдығы диуретиктер қабылдауды тоқтатумен, АҚК жоғарылауымен немесе біртіндеп ұлғайтумен жалғасатын төменгі дозада периндоприлмен емдеудің басында тұз қолданумен төмендеуі мүмкін.

Артериялық гипертензия кезінде, егер диуретиктермен алдыңғы ем тұз тапшылығын/АҚК төмендеуін туындатса, не калий жинақтамайтын диуретикті енгізумен жалғасатын АӨФ тежегішімен емдеуді бастар алдында диуретик қабылдауды тоқтату, не АӨФ тежегішін қабылдауды ұлғайтумен жалғасатын төменгі дозадан бастау қажет.

Диуретиктер қабылдауды талап ететін іркілісті жүрек жеткіліксіздігі кезінде АӨФ тежегішін қабылдауды, мүмкіндігінше қатар калий жинақтамайтын диуретиктің дозасын алдын ала төмендетуден кейін өте төмен дозадан бастау керек.

АӨФ тежегішімен емдеу басталғаннан кейін алғашқы бірнеше апта ішінде барлық жағдайда бүйрек функциясына (креатинин деңгейі) мұқият мониторинг жүргізу қажет.

Калий жинақтаушы диуретиктер (эплеренон, спиронолактон)

Эплеренонды немесе спиронолактонды тәулігіне 12,5 мг-ден тәулігіне 50 мг дейінгі дозаларда және АӨФ тежегіштерінің төменгі дозаларында қабылдағанда:

Лықсыту фракциясы <40%, алдында АӨФ тежегіштерімен және ілмектік диуретиктермен емделген II-IV класты жүрек жеткіліксіздігін (NYHA жіктеуі бойынша) емдегенде, әсіресе аталған препараттар біріктірілімін тағайындау жөніндегі ұсыныстарды орындамаған жағдайда өліммен аяқталу ықтималдығымен гиперкалиемияның даму қаупі бар.

Аталған препараттар біріктірілімін тағайындар алдында пациентте гиперкалиемия және бүйрек жеткіліксіздігі жоқ екеніне көз жеткізу керек.

Емнің бірінші айында аптасына бір рет, сосын айына бір рет калиемияға және креатинемияға мониторинг жүргізу ұсынылады.

Рацекадотрил

АӨФ тежегіштері (мысалы, периндоприл) ангионевроздық ісінудің туындау себебі болып табылатыны белгілі. Бұл қауіп рацекадотрилмен (жедел диареяда қолданылатын препаратпен) бірге пайдаланғанда жоғарылайды.

mTOR-тежегіштер (мысалы, сиролимус, эверолимус, темсиролимус)

mTOR-тежегіштермен біріккен емнен өтіп жүрген пациенттер, ангионевроздық ісінудің жоғары туындау қаупіне бейім болуы мүмкін.

Сақтықты талап ететін біріктірілімдер:

Гипотензиялық және тамыр тарылтатын препараттар

Бұл препараттарды біріктіріп қабылдау периндоприлдің гипотензиялық әсерінің күшеюіне әкелуі мүмкін. Нитроглицерин мен басқа нитраттарды немесе басқа да тамыр тарылтатын дәрілерді бірге қабылдау артериялық қысымның әрі қарай төмендеуіне әкелуі мүмкін.

Аллопуринол, цитостатикалық немесе иммунодепрессиялық заттар, жүйелі кортикостероидтар немесе прокаинамид

Бұл препараттарды АӨФ тежегіштерімен біріктіріп қабылдағанда лейкопения қаупі ұлғаяды. Анастезиялаушы препараттар: АӨФ тежегіштері кейбір анестезиялаушы дәрілердің гипотензиялық әсерін күшейтуі мүмкін.

Глиптиндер (линаглиптин, саксаглиптин, ситаглиптин, вилдаглиптин)

АӨФ тежегіштерін қабылдайтын пациенттерде, глиптин қабылдаумен байланысты дипептидилпептидаза IV белсенділігінің төмендеуі салдарынан ангионевроздық ісінудің даму қаупі жоғарылайды.

Трициклдік антидепрессанттар/антипсихотиктер/анестетиктер

Кейбір ауыруды басатын дәрілік заттарды, трициклдік антидепрессанттарды және антипсихотиктерді АӨФ тежегіштерімен бір уақытта қолдану артериялық қысымның әрі қарай төмендеуіне әкелуі мүмкін.

Симпатомиметиктер

Симпатомиметиктер АӨФ тежегіштерінің гипотензиялық әсерін төмендетуі мүмкін.

Алтын

Сирек жағдайларда алтынның инъекциялық препараттарымен (натрий ауротиомалаты) және периндоприлді қоса, АӨФ тежегіштерімен бір уақытта емделетін пациенттерде вазомоторлық реакциялар (бетке қан тебу, жүрек айнуы, құсу және гипотензия сияқты симптомдар) туындатты.

Индапамидпен байланысты:

Аса сақтықты талап ететін біріктірілімдер:

«Пируэт» типті пароксизмальді қарыншалық тахикардия тудыруға қабілетті препараттар

Гипокалиемияның басталу қаупіне байланысты индапамидті IA класты антиаритмиялық препараттар (хинидин, гидрохинидин, дизопирамид), III класты антиаритмиялық препараттар (амиодарон, дофетилид, ибутилид, бретилий, соталол), кейбір нейролептиктер (хлорпромазин, циамемазин, левомепромазин, тиоридазин, трифлуоперазин), бензамидтер (амисульприд, сульпирид, сультоприд, тиаприд), бутирофенон туындылары (дроперидол, галоперидол), басқа нейролептиктер (пимозид) сияқты «пируэт» типті пароксизмальді қарыншалық тахикардия тудыруға қабілетті препараттармен; бепридил, сизаприд, дифеманил, эритромицин в/і, галофантрин, мизоластин, моксифлоксацин, пентамидин, спарфлоксацин, винкамин в/і, метадон, астемизол, терфенадин сияқты басқа препараттармен біріктіріп қабылдағанда сақтық таныту керек. Калий деңгейі төмендеуінің алдын алу және қажет жағдайда түзету: QT аралығын мониторингілеу.

Калий жинақтаушы препараттар

Амфотерицин В (вена ішіне), глюкокортикоидтар және минералокортикоидтар (жүйелі енгізу), тетракозактид, көтермелеуші іш жүргізгіштер: калий деңгейінің төмендеу қаупінің күшеюі (аддитивті әсер). Калий мөлшерін мониторингілеу және, қажет болса, дозаны түзету; тырнақгүлмен емдегенде аса мұқияттылық керек. Көтермелемейтін іш жүргізгіш дәрілерді қолдану керек.

Тырнақгүл препараттары

Калий деңгейінің төмендеуі тырнақгүлдің уытты әсерін күшейтуі мүмкін. ЭКГ және калий деңгейіне мониторинг жүргізу және қажет болса емді қайта қарау керек.

Аллопуринол

Индапамидпен бір уақытта емдеу аллопуринолға аллергиялық реакциялар деңгейін ұлғайтуы мүмкін.

Сақтықты талап ететін біріктірілімдер:

Калий жинақтаушы диуретиктер (амилорид, спиронолактон, триамтерен)

Рационалды біріктірілімдер кейбір пациенттерге пайдалы болуына қарамастан, гипокалиемия немесе гиперкалиемия (әсіресе бүйрек жеткіліксіздігі немесе қант диабеті бар пациенттерде) әлі де көрініс табуы мүмкін. ЭКГ және қан плазмасындағы калий деңгейіне мониторинг жүргізу және қажет болса емді қайта қарау керек.

Метформин

Метформин қабылдау аясындағы сүт-қышқылды ацидоз диуретиктердің, әсіресе ілмектік диуретиктердің әсерімен байланысты болатын функционалдық бүйрек жеткіліксіздігімен байланысты болуы ықтимал. Егер плазмадағы креатинин мөлшері еркектерде 15 мг/л-ден (135 мкмоль/л) әйелдерде 12 мг/л-ден (110 мкмоль/л) асып кетсе метформин қолдануға болмайды.

Йод қамтитын контрастылы орта

Диуретикалық препараттар қабылдаудан туындаған организмнің едәуір дегидратациясы кезінде, әсіресе жоғарғы дозаларда құрамында йод бар контрастылы заттарды қолданғанда жедел бүйрек жеткіліксіздігінің даму қаупі ұлғаяды. Құрамында йод бар контрастылы препараттарды қолданар алдында регидратация жүргізу керек.

Кальций (тұздар)

Несеппен шығарылуы төмендеуі нәтижесінде кальций мөлшерінің ұлғаюы мүмкін.

Циклоспорин, такролимус

Айналымдағы циклоспорин деңгейінің өзгеруінсіз плазмадағы креатинин деңгейі жоғарылайды, тіпті су мен электролиттердің қалыпты мөлшерінде де.

Кортикостероидтар, тетракозактид (жүйелі енгізу жолы)

Гипотензиялық әсерді (кортикостероидтардың әсерінен туындаған тұз бен судың кідіруі) азайтады.

Бейтарап эндопептидаза тежегіштері

АӨФ тежегіштері мен рацекадотрилді (энкефалиназа тежегіші) бір уақытта қолданғанда ангионевроздық ісінудің жоғары даму қаупі туралы хабарланды.

АӨФ тежегіштері мен құрамында сакубитрил бар дәрілік препараттармен (неприлизин тежегіші) бір уақытта қолданғанда, ангионевроздық ісінудің даму қаупі өседі, осыған байланысты аталған препараттарды бір уақытта қолдануға болмайды. АӨФ тежегіштерін құрамында сакубитрил бар препараттарды тоқтатқаннан кейін 36 сағаттан соң бір-ақ тағайындау керек.

Құрамында сакубитрил бар препараттарды АӨФ тежегіштерін алатын пациенттерге, сондай-ақ АӨФ тежегіштерін тоқтатқаннан кейін 36 сағат ішінде тағайындауға болмайды.

Плазминогеннің тіндік активаторлары

Ишемиялық инсульттің тромболитикалық емі үшін алеплазаны қолданғаннан кейін АӨФ тежегіштерін қабылдаған пациенттерде ангионевроздық ісінудің жоғары даму жиілігі анықталды.

Арнайы ескертулер

Жүктілік:

Периндоприлмен байланысты:

Жүктіліктің бірінші триместрінде АӨФ тежегіштерін қабылдағаннан кейін тератогенді ақаулардың даму қаупіне қатысты айқын емес; солай болғанмен де қауіп дәрежесінің аздаған жоғарылауын жоққа шығаруға болмайды. Егер АӨФ тежегіштерімен үздіксіз емдеу қажет болса, жүктілікті жоспарлаған пациенттер жүктілік кезінде қолдану қауіпсіздігі дәлелденген басқа гипертензияға қарсы препараттарға ауыстырылуы тиіс. Жүктілік фактісі анықталғанда АӨФ тежегіштерімен емдеуді дереу тоқтату және қажет болса, альтернативті ем бастау керек. Жүктіліктің екінші және үшінші триместрінде АӨФ тежегіштерімен емдеу адамда фетоуытты болып табылатыны (бүйрек функциясының нашарлауы, олигогидрамнион, бассүйек оссификациясының кідіруі) және нәрестеге уытты әсер көрсететіні (бүйрек жеткіліксіздігі, гипотензия, гиперкалиемия) дәлелденген.

АӨФ тежегіштерін қабылдау жағдайында, жүктіліктің екінші триместрінен бастап бүйрек функциясын және бассүйектің қалыптасуын ультрадыбысты бақылау ұсынылады. Аналары АӨФ тежегіштерін қабылдаған балалар гипотензияға қатысты мұқият қадағалануы тиіс.

Индапамидпен байланысты:

Индапамидті жүкті әйелдерде қолдану бойынша деректер жоқ немесе шектеулі (300-ге жетпейтін жүктілік жағдайы). Тиазидтерді жүктіліктің үшінші триместрінде ұзақ қолдану ананың плазма көлемінің азаюына, сондай-ақ жатыр-плаценталық қан ағысының төмендеуіне әкелуі мүмкін, ол өз кезегінде фето-плаценталық ишемияға және өсудің кідіруіне түрткі болуы мүмкін.

Сақтық шарасы ретінде индапамидті жүктілік кезінде пайдаланудан аулақ болған абзал.

Периндоприл мен индапамид үшін ортақ

Периндоприлмен байланысты:

Периндоприлді бала емізу уақытында қолдану туралы деректер болмағандықтан, бұл кезеңде периндоприлді қолданбаған жөн және емшек емізу кезеңінде, әсіресе нәрестелерді немесе мерзімі жетпей туылған балаларды емізу кезінде қолдану қауіпсіздігі дәлелденген басқа препараттарды пайдаланған жөн.

Индапамидпен байланысты:

Индапамид пен оның метаболиттерінің әйел сүтіне өтетіні туралы ақпарат жеткіліксіз. Сульфонамид туындыларына жоғары сезімталдық және гипокалиемияның туындауы ықтимал. Нәрестелер/сәбилер үшін қауіп жоққа шығарылмайды. Индапамид бала емізу кезеңінде лактацияның төмендеуіне немесе тіпті жойылуына әкелетін тиазидтік диуретиктермен өзара тығыз байланысты. Индапамид емшек емізу уақытында қолданбаған жөн.

Фертильділік

Периндоприл мен индапамид үшін ортақ

Адамдағы фертильділікке ешқандай әсер күтілмейді.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Кейбір жағдайларда АҚ өзгеруімен байланысты жекелеген реакциялар болуы ықтимал, әсіресе емнің баксында немесе басқа гипертензияға қарсы дәріні қосқанда, осының нәтижесінде автомобильді басқару және аса назар аударуды және психомоторлық реакциялардың жылдамдығын талап ететін механизмдермен жұмыс істеу қабілеті төмендеуі мүмкін.

Қолдану жөніндегні нұсқаулар

Дозалау режимі

Дозаны пациенттің жағдайына және артериялық қысымның деңгейіне байланысты әрбір пациент үшін жекелей таңдайды.

Емді Адеприл Диур препаратының стандартты дозасынан бастауға болады: тәулігіне 1 рет 1 таблетка 2 мг/0.625 мг.

Егер артериялық қысым 2 мг/0.625 мг таблеткалармен бір ай бойы емдегенде бақылауға келмесе, онда дозаны түзету қажет (дозаны екі есе ұлғайту, тәулігіне 1 рет 4 мг/1.25 мг таблеткаларды қабылдауды бастау).

Пациенттердің ерекше топтары

Егде пациенттер

Егер артериялық қысымды бақылаудан кейін, бүйректің функционалдық жағдайы қалыпты болса, емді бастауға болады.

Емді Адеприл Диур препаратының стандартты дозасынан бастауға болады: тәулігіне 1 рет 1 таблетка 2 мг/0.625 мг.

Бүйрек жеткіліксіздігі бар пациенттер

Бүйрек жеткіліксіздігі ауыр (креатинин клиренсі 30 мл/мин төмен) пациенттерде Адеприл Диур препаратын қолдануға болмайды.

Бүйрек жеткіліксіздігі орташа дәрежедегі (креатинин клиренсі 30-дан 60 мл/мин дейін) пациенттер үшін ең жоғарғы доза: тәулігіне 1 рет 1 таблетка 2 мг/0.625 мг.

Креатинин клиренсі 60 мл/мин жоғары немесе оған тең пациенттерде дозаны түзету керек емес. Әдеттегі кезекті медициналық қадағалауға креатинин және калий деңгейлерін мониторингілеу кіруі тиіс.

Бауыр жеткіліксіздігі бар пациенттер

Бауыр жеткіліксіздігі ауыр пациенттерде Адеприл Диур препаратын қолдануға болмайды.

Бауыр жеткіліксіздігі орташа дәрежедегі пациенттерде дозаны түзету керек емес.

Педиатрияда қолдану

Препаратты балаларда қолданудың тиімділігі мен қауіпсіздігі анықталмаған, сондықтан препаратты балаларда қолдану ұсынылмайды.

Енгізу жолы және тәсілі

Адеприл Диур таблеткаларын, дұрысы таңертең тамақтанар алдында, тәулігіне 1 рет ішке қабылдау керек.

Артық дозалану жағдайында қабылдануы қажет шаралар

Симптомдары: кейде жүрек айнуымен астасқан гипотензия, құсу, құрысу, бас айналуы, ұйқысыздық, сананың шатасуы, анурияны өршітуі мүмкін олигурия (гиповолемия салдарынан), су-электролиттік теңгерімнің бұзылуы.

Емі: натрий хлоридінің физиологиялық ерітіндісін вена ішіне енгізу. Гипотензия дамыған кезде пациентті аяқтарын көтеріңкіреп, шалқасынан жатқызу керек. Диализ (периндоприлдің белсенді формасы периндоприлат шығарылады). Медициналық мекемеде өткізілетін кезекті шаралар су-электролиттік теңгерімді қалпына келтіруге бағытталуы тиіс, симптоматикалық ем. Спецификалық антидоты жоқ.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қолдану тәсілін түсіндіру үшін медицина қызметкерінің кеңесіне жүгінген жөн.

Дәрілік препаратты стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жиі

- аса жоғары сезімталдық (негізінен дерматологиялық реакциялар, аллергиялық және демікпелік реакцияларға бейім адамдарда)

- парестезия, бас ауыруы, бас айналуы, вертиго

- көрудің бұзылуы

- құлақтың шулауы

- гипотония (және гипотониямен байланысты әсерлер)

- ем аяқталғаннан кейін кететін құрғақ жөтел. Аталған симптом болса ятрогендік этиологияны қарастыру керек

- ентігу

- іш қатуы, жүрек айнуы, эпигастральді аймақтың ауыруы, іш ауыруы, дәм сезудің бұзылуы, құсу, диспепсия, диарея, тәбеттің жоғалуы, анорексия

- бөртпе қышыну

- құрысу

- астения

Жиі емес

- эозинофилия

- гипогликемия

- тоқтатқан кезде қайтымды гиперкалиемия

- гипонатриемия

- гиперкальциемия

- гипокалиемиядағы калийдің тозуы, әсіресе жоғары қауіп топтарында

- көңіл-күйдің бұзылуы

- ұйқының бұзылуы

- ұйқышылдық

- синкопе

- жүрек қағуы

- тахикардия

- васкулит

- ауыздың құрғауы

- беттің, қол-аяқтың, еріннің, шырышты қабықтың, тілдің, дыбыс саңылауының және/немесе көмейдің ангионевроздық ісінуі, есекжем

- жарыққа сезімталдық реакциялары

- пемфигоид

- тершеңдік

- артралгия

- миалгия

- бүйрек жеткіліксіздігі

- кеуденің ауыруы

- дімкәстік

- шеткері ісіну

- гипертермия

- қандағы мочевина мөлшерінің жоғарылауы

- қандағы креатинин мөлшерінің жоғарылауы

- құлау

Сирек

- бронх түйілуі

- псориаздың өршуі

- билирубин мөлшерінің жоғарылауы

- бауыр ферменттері деңгейінің жоғарылауы

Өте сирек

- ринит

- тромбоцитопения, лейкопения, нейтропения, агранулоцитоз, апластикалық анемия, гемолиздік анемия

- бүйрек трансплантациясын бастан өткерген пациенттердегі, гемодиализде жүрген пациенттердегі анемия

- гемоглобин және гематокрит деңгейінің төмендеуі

- сананың шатасуы

- аритмия, брадикардияны қоса, қарыншалық тахикардия, жүрекшелер фибрилляциясы, стенокардия және жоғары қауіп тобындағы пациенттерде шамадан тыс гипотензияға қатысты салдарлы болуы мүмкін миокард инфаркті

- инсульт жоғары қауіп тобындағы пациенттерде шамадан тыс гипотонияға қатысты салдарлы болуы мүмкін

- эозинофильді пневмония, ринит

- панкреатит

- холестаз немесе цитолитикалық гепатит

- мультиформалы эритема

- уытты эпидермальді некролиз

- Стивенс Джонсон синдромы

- жедел бүйрек жеткіліксіздігі

- импотенция

- гемоглобин және гематокрит деңгейінің төмендеуі

Белгісіз

- бауыр энцефалопатиясы, бауыр жеткіліксіздігі болғанда

- алыстан көрмеу

- бұлыңғыр көру

- «пируэт» типті қарыншалық тахикардия (көбінесе өлімге әкелетін)

- Рейно феномені

- бұрыннан болған жедел диссеминацияланған қызыл жегінің нашарлауы ықтимал

- ЭКГ-да QT аралығының ұзаруы

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМКhttp://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

Белсенді заттар: периндоприл тертбутиламин, 2.000 мг және индапамид, 0.625 мг (2 мг/0.625 мг доза үшін) немесе периндоприл тертбутиламин, 4.000 мг және индапамид, 1.250 мг (4 мг/1. 25 мг доза үшін)

Қосымша заттар: гидроксипропилбетадекс, лактоза моногидраты, повидон К25, силикатталған микрокристалды целлюлоза SMCC50, кремнийдің қостотығы, сусыз коллоидтың кремнийдің қостотығы, магний стеараты. Сыртқы түрінің, иісінің, дәмінің сипаттамасы

Ұзынша пішінді, екі жағы дөңес, бір бетінде «PI» өрнегі және сызығы (P мен I арасында) бар ақ түсті таблеткалар (2 мг/0.625 мг дозасы үшін).

Ұзынша пішінді, екі жағы дөңес, бір бетінде «PI» өрнегі бар ақ түсті таблеткалар (4 мг/1.25 мг дозасы үшін).

Шығарылу түрі және қаптамасы

10 таблеткадан алюминий фольгадан жасалған пішінді ұяшықты қаптамаға салынған.

3 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

2 жыл

Жарамдылық мерзімі өткеннен кейін қолдануға болмайды.

Түпнұсқалық қаптамасында 30 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

Лек Фармасьютикалс д.д., Словения

Verovskova, 57, 1526 Ljubljana, Slovenia

Телефон: +386 580 021 11, факс: +386 156 835 17

Электронды пошта: info.sandoz@sandoz.com

Тіркеу куәлігінің ұстаушысы

Лек Фармасьютикалс д.д., Словения

Verovskova, 57, 1526 Ljubljana, Slovenia

Телефон: +386 580 021 11, факс: +386 156 835 17

Электронды пошта: info.sandoz@sandoz.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Сандоз Фармасьютикалс д.д.» акционерлік қоғамының Қазақстан Республикасындағы Өкілдігі,

Қазақстан Республикасы, 050000, Алматы қ-сы, Құрманғазы к-сі 95.

Тел.: +7 (727) 258-24-47, факс: +7 (727) 244-26-51

Электронды пошта: drugsafety.cis@novartis.com